之前有提及到澳門外僱人數，本地外僱人數就超過18萬，而最多外僱嘅來源地係中國內地（117,420人）、菲律賓（31,130人）同埋越南（15,066人），當中中國內地佔最多，甘係因為中國內地外勞識溝通，同埋做野轉數快，其他國籍好難做到，通常係餐飲同零售業為主。菲律賓因為佢地通常只會識英文溝通，最多係做酒店執房、洗車、清潔等。
越南會中文溝通，但係始終係外籍，中文溝通冇甘流利，通常黎澳門做清潔、物管多D。印尼有好一部份會中文溝通，其他都只會英文，所以都係做清潔比較多。
尼泊爾基本上絶大部份做保安，曾經聽過一個笑話，有某一間僱傭中心帶了一批尼仔，黎澳門做保安，本來一心以為有保安公司口頭應承要，點知最後反口了，結果成批尼仔冇人肯接手，戈間僱傭中心諗住安排班尼仔去做其他工種，點知尼仔們拒絕做其他工種，佢地話只會做保安，所以尼仔係澳門99%係保安員。
緬甸比較多係家傭部份，其他工種不怎麼常見，因為佢地吾係甘多會中文，英文都冇菲律賓同印尼好，而且動作同反應比越南慢好多。近一兩年多左印度，通常係酒店內做西餐厨師，或者保安員。
最後仲有台灣，佢地普通話音準好聽、靚，通常做賭場公關，同埋客服大使，當然人工好高啦!
