之前有講到……係澳門做野嘅尼泊爾籍外勞，絶大部份都係做保安人員，首先我為大家科普下小小知識。由於尼泊爾以驍勇善戰嘅廓爾喀人士兵聞名於世，深受吾同國家的保安公司聘用。而且尼泊爾嘅官方語言吾係英文，但係歷史文化嘅影響下，城市大多數人都識用英語溝通。再者，當地嘅男性係學校會受過軍訓訓練，尤其退役後嘅男性，警覺性和自禦能力都相當優秀。因此，選擇尼泊爾人當保安工作係最合適。早係英國殖民時代，東南亞各國就已經開始聘請尼泊爾人當保安。12小時嘅站立，對於尼泊爾人黎講係必須要做到嘅。
N年前我係氹仔某一比較大嘅博企做野，成日都會接觸D尼仔保安，有時候冇野做仲會吹返兩嘴，戈時候令我對佢地嘅了解多左，佢地一返工就係企12個鐘，人工底薪都係六千左右，加埋加班先有九千至一萬，單睇價單對佢地外勞黎講仲算可以接受嘅。有一次，保安部里面煎左30件尼仔，佢地都係兩年合約，之後就吾會續約，里面有十幾個…..執包袱戈陣係更衣室哭呢。從佢地口中得知，佢地黎澳門做保安，要先比八萬多港幣比博企旗下管理公司，當時我粗略計算一下，每個尼仔每日返12個鐘，先9000/月，兩年合約=24個月，當佢每月租屋+食飯+水電費=最少3000，大約9萬葡幣比管理公司
即係:
9000*24=216,000
3000*24=72,000
216,000-72,000-90,000=54,000
54,000/24=2,250
即平均每月薪金只係得返2,250葡幣
兩年合約後…佢地就比人煎左。
我諗係澳門，冇乜人知，或者講冇乜人會關注呢D弱勢吧。
